Ndërron jetë 34-vjeçarja në Infektiv, viktima më e re në moshë nga COVID-19. 34-vjeçarja nga Librazhdi e çon në 47 numrin e personave që kanë ndërruar jetë si pasojë e Covid-19.
Ministria e Shëndetësisë tha se 34-vjeçarja ndërroi jetë mëngjesin e sotëm, në spitalin Infektiv. Sipas njoftimit zyrtar e reja nga Librazhdi vuante nga insuficenca renale kronike, diabeti, hipertensioni, e konfirmuar me Covid19
“E reja ishte e shtruar në shërbimin infektiv prej disa ditësh, në gjendje të rëndë dhe e intubuar, pavarësisht përkujdesjes së mjekëve nuk ka mundur të mbijetojë.”- thuhet në njoftimin e Ministrisë.
