Mbrëmjen e djeshme është shfaqur premiera e filmit “I love Tropoja” i komedianit Ermal Mamaqi në Pallatin e Kongreseve, ku luan një rol edhe kryeministri i vendit, Edi Rama.
Por, qysh në nisje të ftuarit dhe organizatorët janë përballur me një incident, pasi teksa njerëzit hynin brenda në sallë, një grup të rinjsh kanë hedhur disa fletushka në shenjë proteste kundër kryeministrit.
Fletët në të cilat shkruhet “Shqipëria digjet, Rama krihet!”, janë përhapur në ambjentet e jashtme të Pallatit të Kongreseve.
Në disa fletushka të tjera janë montuar fotot e Ramës me flokë të gjata, sikurse improvizon në film si dhe të disa familjeve që jetojnë në çadra pas tërmetit tragjik të 26 Nëntorit.
