Në kuadër të konsultimeve për caktimin e një datë të re për zgjedhjet lokale, kryetari i PDIU-së, Shpëtim Idrizi është takuar në këto momente në presidencë me kreun e shtetit Ilir Meta.
Pas takimit Idrizi tha se nuk është momenti për të biseduar për një detaj të tillë pasi shqiptarët nuk duan thjesht votime por zgjedhje.
“Nuk duam votim por zgjedhje sepse ajo që na interson ne pas 30 vitesh është që Shqipëria të zhvillojë zgjedhje të lira dhe të ndershme jo si ato zgjedhje që kemi parë, me blerje votash e korrupsion”, shtoi ai.
Shpetim Idrizi thekson se është nevoja që partitë të bëjnë një pakt kombëtar pasi me ç’dekretimin e 30 qershorit Meta u dha mundësinë palëve politike të ulen në bisedime.
“Të bëjmë një pakt kombëtar të të gjitha forcave politike. Rama duhet ti thërrasi arsyes. Besoj për të gjithë është e qartë që ç’ dekretimi i 30 qershorit nga presidenti ishte një rast i mirë për forcat politike por në rradh të parë për atë që i ka në dorë, kryeministrin, i takon arij që të ulet dhe të japi zgjidhje. E pamë cfarë ndodhi në Parlament e KQZ”, përmbylli Idrizi.
