Pas deklaratave të Komisionerit Johanes Hahn ka reaguar menjëherë nënkryetari i Kuvendit të Shqipërisë, Shpëtim Idrizi. Kryetari i Partisë Drejtësi, Integrim dhe Unitet ka bërë deklaratën e mëposhtme:
“Lajm i madh erdhi, ora e bardhë për Çamërinë dhe padrejtesitë shekullore sapo trokiti….
Komisioneri Hahn i kërkon zyrtarisht Greqinë të trajtojë Çështjen Çame në kuadër të agjendës së çështjeve të pazgjidhura mes dy vendeve.
Kam përsëritur pa u lodhur se Çështja Çame është aq afër sa ne punojmë çdo ditë.
Një punë e palodhur, sakrifica dhe dashuri për kauzën tonë të rikthimit të dinjitetit të popullsisë martire çame sot solli futjen zyrtare të çështjes ne agjendën zyrtare të BE.
Faleminderit te gjithëve. Fitorja jonë e rradhës. Ne nuk do harrojmë kurrë!!!”
