Nënkryetari Kuvendit, Shpëtim Idrizi ka shprehur dhimbjen e tij për humbjen e shkrimtarit të madh Dritëro Agolli. Por, ai tërheq vëmendjen që Dritëro Agolli nuk ishte vetëm një vlerë e padiskutueshme letrare, por edhe patriot i madh. Dritëro Agolli ishte i pari që ju bashkua Rezolutës Çame dhe kjo është shumë domethënëse për mëtonjësit e Çështjes Kombëtare.
Më poshtë mesazhi i kryetarit të PDIU, Shpëtim Idrizi:
Humbja e Dritëro Agollit është një humbje për Kombin tonë. Vepra e tij do të mbetet përjetë, por ajo që do të na mungojë është qetësia dhe thellësia e mendimit të Dritëroit që ndikonte vazhdimisht për mirë në jetën publike shqiptare.
Kujtoj me respekt faktin që edhe pse sëmurë, ishte i pari që iu bashkua Rezolutës për zgjidhjen e Çështjes Çame, duke treguar vlerat e tij të mëdha kombëtare, të cilat nuk i kufizonte vetëm në letërsinë që lëvroi dhe do t’i mbijetojë kohrave. Kujtimi i tij do të jetë i paharruar! U prehtë në paqe!
