Një shpërthim me tritol ka ndodhur ditën e sotme në Maqellarë.
Nga të dhënat shpërthimi ka ndodhur në banesën e shtetasit Gazmir Kosiçi ndërsa mësohet të ketë mbetur i plagosur Ismail Kosiçi, 20 vjeç, i cili ndodhet në repartin e Kirurgjisë në spitalin e Peshkopisë.
Kujtojmë që Gazmir Kosiqit në mars të 2018-ës i kanë ekzekutuar djalin 32 vjeçar, Elsi Kosiqin, biznesmen, në oborrin e shtëpisë së tij.
Vrasjen e Elsi Kosiqit, Policia e klasifikoi si vrasje për larje hesapesh.
Për krimin e ndodhur u vu në pranga Mahmut Gega, banor i Shupenzës. Sipas informacionit paraprak të Policisë, vrasja ndodhi për motive të dobëta.
