Një shpërthim i fuqishëm është shënuar në një kompani ndërtimi në Kamëz ku mësohet se kanë plasur disa bombola gazi. Nga të dhënat e para dyshohet sa janë plagosur dy persona. Mësohet se afër biznesit ku ka rënë zjarri ka edhe depozita vaji.
Sipas informacioneve paraprake nuk ka rrezik për përhapjen e zjarrit në banesa, ndërsa janë angazhuar forca zjarrfikëse nga Tirana, Durrësi dhe Vora.
Edhe Ministria e Mbrojtjes me kërkesë të Drejtorisë së Emergjencave Civile, ka dërguar 2 mjete zjarrfikëse me qëllim shuarjen e zjarrit të përmasave të mëdha që ka përfshirë subjektin privat në Kamëz.
Po vijon puna për shuarjen e flakëve të zjarrit.
