2 raste pozitive me Covid-19 janë identifikuar të enjten në zyrat e njësisë administrative numër 4 tek Ujësjellës Kanalizimet në Tiranë.
Ministria e Shëndetësisë konfirmoi se nga 13 raste të reja të zbuluara në 24 orët e fundit 11 ndodhen në Tiranë.
Mësohet se një është punonjëse e tatimeve ndërsa një në call-center. Ndërkohë 1 person i infektuar është zbuluar në Krujë dhe një në Shkodër. Vatra e infeksionit është zgjeruar dhe në spitale.
Nga 39 mjekë e infermierë të testuar 3 kanë rezultuar pozitivë. Shifrat vijnë nga ministria pa dhënë detaje për vendndodhjen e tyre.
Numri i të prekurve aktiv në vend ka shkuar në 266 por vetëm 8% e kanë pasur nevojë për trajtim në spital. Në infektiv aktualisht ndodhen të shtruar 23 pacientë, pesë prej të cilëve në terapi intensive dhe një i intubuar.
