“Fëmijët e diktaturës” ka qenë tema e trajtuar në “Opinion” e cila është pasuar nga jo pak diskutime. Gjatë emisionit Fevziu e ka quajtur “të kotë dhe pa sens” debatin mes historianëve për krimet e komunizmit.
Kjo ka sjellë reagimin e fortë të shkrimtarit Tufa, i cili e ka quajtur Fevziun dështak në të gjitha fushat e artit e dijes. Ai gjithashtu thekson se që nga viti 2005 ka bërë një betim se nuk do t’i shkelë kurrë në studio, premtim të cilin e ka mbajtur.
Postimi i plotë i Tufës:
Debat i kotë dhe i pasens”, e quajti sonte B. Fevziu debatin e ketyre ditëve midis historianëve enveristë, që mohojnë krimet e komunizmit, dhe bllokut solid të kundershtarëve diskretitues të tyre.
Vertet që ky Fevzi eshte dështak në të gjitha fushat e artit e dijes; banal, servil e nercenar, simbol i gjithë këllirësisë së një epoke të tërë postkomuniste, por tani na dalka të na diktojë edhe se çfarë vlen e çfarë s’vlen, çfarë është e plotë, e çfarë është e kotë.
Eh, ç’mund të presësh më shumë prej një ramizisti?! Qëkurse bëri kontratën me Djallin, duke zgjedhur të jetë “derr i kënaqur”, ai nga ana tjetër, nuk ia fal askujt që lufton për një kauzë. Kam bërë një betim që nga viti 2005, se nuk do t’i shkel kurrë në studio. Dhe e kam mbajtur!
