Ditën e sotme ka ndërruar jetë ish-ministri austriak i Çështjeve Sociale dhe ish-kreu i Unionit të Sindikatave Austriake, Rudolf Hundstorfer.
Mësohet se ministri 67 vjeçar ka humbur jetën si pasojë e një sulmi në zemër teksa po pushonte në ishullin e Braçit në Kroaci. Ndërsa trupi i pajetë u gjet nga gruaja e tij në tarracën e shtëpisë së pushimit.
Hundstorfer u përfshi në sindikatë më 1970 dhe më 1990 iu bashkua qeverisë lokale dhe asaj qendrore të Vjenës. Ai ishte për shumë vite kryetar i sindikatave të Austrisë, dhe nga ai pozicion deri në 2008 deri në 2016 ishte Ministër i çështjeve Sociale.
Në zgjedhjet e fundit presidenciale në 2016, Hundstörfer hyri si kandidat për Partinë Social Demokratike të Austrisë (SPO) në garën për postin e kryetarit të shtetit.
Presidenti austriak, Alexander van der Belen, ka shprehur ngushëllime për vdekjen e tij, duke theksuar se ishte një njeri me të cilin të gjithë mund të flisnin, nga politikanë të lartë e deri tek punëtorë të zakonshëm.
