Një sherr ka ndodhur në një lokal në Vaun e Dejës në Shkodër, rreth orës 21:00 të mbrëmjes së djeshme, ku sipas policisë, Mark Nikolli, 26 vjeç, banues në Gomsiqe, Vau i Dejës, si pasojë e një konflikti të çastit dyshohet se ka plagosur lehtë me armë zjarri në këmbë 23-vjeçarin Fran Ndrecaj, banues në Vaun e Dejës.
Nga deklarimet e marra në vendngjarje si dhe nga pamjet filmike të sekuestruara nga Policia, rezulton se të dy këta shtetas janë shokë dhe kanë qenë të ulur në të njëjtën tavolinë në lokal.
Policia bën të ditur se autori i kësaj ngjarje është me precedent penal, i dënuar më parë për “Armëmbajtje pa leje”.
