Kreu i Partisë Demokratike Lulzim Basha u tha të rinjve sot në Shkodër se diçka e madhe po ndodh në Shqipëri, diçka e madhe po ndodh anembanë vendit tonë, njerëzit po refuzojnë dëshpërimin, njerëzit po refuzojnë të keqen, njerëzit kanë vendosur të bashkohen dhe unë dhe Partia Demokratike do t’i prijmë këtij bashkimi më 18 shkurt.
“Le ta japim edhe nga Shkodra mesazhin që po dëgjohet në çdo cep të Shqipërisë. Le t’i themi shqiptarëve se frika ka vdekur këtu në Shkodër, dhe se kurajoja qytetarë do marrë në dorë fatet e zgjedhjeve të lira dhe të ndershme, fatin e Shqipërisë, fatet e çdo shqiptari duke nisur nga bashkimi i madh të shtunën me datë 18 Shkurt në Tiranë”, tha Basha.
Kryetari i Partisë Demokratike i ka informuar të rinjtë se ai ka një projekt që siguron shanse për ta, për punësim e mirëqënie, që askush të mos e braktisë vendin por ta ndërtojë të ardhmen këtu.
