Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Shkelje të rregullave të privatësisë, Facebook gjobitet me 5 miliardë dollarë

Nga Ejona 0

Gjigandi “Facebook” është gjobitur me një vlerë prej 5 miliardë dollarësh për shkak të shkeljeve të rregullave të privatësisë që kjo kompani i ka bërë në rastin “Cambridge Analytica”.

Në mediat e huaja raportohet se gjoba është miratuar përmes votimit me shumicë votash nga Komisioni Federal për Tregti i Shteteve të Bashkuara të Amerikës.

Hetimi i Komisionit Federal për Tregti i Shteteve të Bashkuara kishte filluar në mars të vitit 2018 pasi gazeta “The Guardian” kishte zbuluar se kompania “Cambridge Analytica” i kishte marrë të dhënat e më shumë se 50 milionë përdoruesve të Facebook-ut në mënyrë ilegale.

Gjoba prej 5 miliardë dollarësh do të ishte më e madhja që është dhënë ndonjëherë nga Komisioni Federal për Tregti kundër një kompanie teknologjike dhe më i madhi kundër një kompanie për shkelje të privatësisë. Kjo shifër është e përafërt edhe me dënimin që e prisnin zyrtarët e Facebook-ut, të cilët kishin thënë se mund të dënohen me gjobë prej 3 deri 5 miliardë dollarësh.

Pavarësisht shumës së madhe të parave, analistët thonë se ky ndëshkim nuk është i mjaftueshëm dhe se vështirë që do të lërë ndonjë shenjë në llogarinë bankare të gjigantit teknologjik. Kjo kompani ka pasur te ardhura prej më shumë se 15 miliardë dollarësh vetëm në tre muajt e parë të vitit 2019, shkruan “The Guardian”.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej