Policia greke ka shkatërruar një bandë shqiptare të trafikimit të lëndëve narkotike.
Ata kanë bastisur shtëpinë e organizatës në Voula, ndërsa nga kontrolli makinës së njërit prej trafikantëve u gjet një kilogram kokainë.
Policia ka arrestuar deri më tani gjashtë persona me origjinë shqiptare, njëri prej tyre është kreu i bandës, por që nuk është bërë i ditur identiteti i tij.
Sipas njoftimit të policisë, u arrit që të shkatërrohej një nga qarqet më të mëdha të trafikut të kokainës në periferitë e jugut në Athinë, shkruajnë mediat greke.
Gjatë operacionit, ndodhi një incident tjetër, pasi njëri nga efektivët e policisë u aksidentua nga një shofere, e cila po kalonte afër vendit ku u krye operacioni i anti-drogës.
Pas hetimit të policisë, u zbulua se shoferja nuk kishte asnjë lidhje me ngjarjen. Oficeri i policisë u dërgua me urgjencë në spital, pasi kishte dëmtime të mëdha në kokë.
