Roja bregdetare e Greqisë ka njoftuar se ka zbuluar një rrjet ndërkombëtar, që transportonte drogë në sasi të mëdha nga Shqipëria në Itali.
Mësohet se janë arrestuar pesë shtetas shqiptarë dhe dy grekë si dhe janë sekuestruar 1.5 ton kanabis i papërpunuar në dy anije, 2 gomone, 1800 euro dhe 13 celularë.
Agjensia e lajmeve Reuters në Athinë ka vlerësuar se ky grup kishte bërë “shumë miliona euro” ndërsa transportonte drogë me gomone me shpejtësi të madhe.
Hetimi dymujor, në bashkëpunim me autoritetet përkatëse të Italisë, ka gjetur se kjo unazë e kontrabandistëve kishte blerë sasi të mëdha të drogës në Shqipëri dhe i kishte transportuar me anije të modifikuara me shpejtësi të madhe në bregdetin italian, thuhet në njoftimin e Rojës bregdetare të Greqisë.
Sipas hetimit, gomonia ishte parë nga helikopteri i policisë greke teksa drejtohej bosh për në brigjet shqiptare dhe pas 1 ore, gomonia është nisur e ngarkuar drejt brigjeve italiane.
