Rudina Hajdari është shkarkuar nga detyra e kryetares së Grupit Parlamentar Demokrat në Kuvend.
Në mbledhjen e fundit të grupit, kjo detyrë i është besuar deputetit Korab Lita. Lajmi është dhënë nga vetë Lita, me anë të një mesazhi në facebook.
Mesazhi i Korab Litës:
Të nderuar miq,
Grupi Parlamentar Demokrat në mbledhjen e tij të fundit, në funksion të organizimit të brendshëm bëri ndryshim në drejtimin e grupit. Personalisht, dua t’ju dërgoj një falenderim kolegëve të mi të Grupit Parlamentar për vlerësimin dhe besimin që më dhanë për të drejtuar Grupin Parlamentar Demokrat.
Detyra që më është besuar si Kryetar i Grupit Parlamentar Demokrat unë e shoh si një përgjegjësi e aspak privilegj sidomos në këtë situate politike e institucionale ku ndodhet vendi ynë. Nëpërmjet jush dua të siguroj kolegët, dhe të gjithë qytetarët Shqiptarë, që të gjithë bashkë do jemi në lartësinë e duhur për të justifikuar besimin e dhënë. KL.
