Shkarkohen 80 punonjës tek Drejtoria e Përgjithshme e Tatimeve

Disa media raportojnë se shkarkimi nga puna i 80 punonjësve ka ardhur si rezultat i riorganizimit të strukturimit të punës në Drejtorinë e Hetimit Tatimor. Deri tani nuk ka asnjë njoftim zyrtar nga Tatimet në lidhje me shkarkimin e punonjësve, por duket se riorganizimi i punës nuk ka lidhje me krizën ekonomike të shkaktuar nga pandemia e covid-19.

Sipas burimeve nga Drejtoria e Përgjithshme, ristrukturimi është programuar që në datë 6 janar 2020, ndërsa marrëdhënia e punës me 80 punonjësit është shkëputur më 22 prill.

Ndërkohë, burime bëjnë me dije se asnjë prej punonjësve të Tatimeve nuk është larguar nga puna, por janë riorganizuar.