Sekretari i Përgjithshëm i PD Gazment Bardhi nëpërmjet një postimi në rrjetet sociale ka reaguar në lidhje me shkarkimin e mjekut të QSUT, Ilir Allkja, i cili denoncoi mungesën e veshjeve mbrojtëse në spitalin e Durrësit pak ditë më parë.
Ai deklaron se shkarkimi politik i raportuar nga mjeku Ilir Allkja është hakmarrje e kryeministrit Edi Rama.
Sipas Bardhit, të shkarkosh me verbëri politike një mjek, në një situatë kur kërkohet mobilizim i të gjithë profesionistëve në pension të shëndetëisisë, tregon papërgjegjshmëri dhe sjellje kriminale.
Statusi i plotë:
Shkarkimi politik i raportuar nga mjeku Ilir Allkja është hakmarrje e Edi Ramës dhe ka vetëm një arsye. Mjeku ngriti zërin dhe tregoi me fakte të vërtetën se qeveria nuk e ka pajisur sistemin shëndetësor me mjetet e duhura pë të mbrojtur mjekët dhe personelin.
Të shkarkosh me verbëri politike një mjek, në një situatë kur kërkohet mobilizim i të gjithë profesionistëve në pension të shëndetëisisë, tregon papërgjegjshmëri dhe sjellje kriminale.
Partia Demokratike e dënon këtë akt të hakmarrjes politike të kryeministrit kundër mjekut Ilir Allkja me përvojë 27 vjeçare, të cilin e sulmoi politikisht dhe personalisht.
Mbrojtja e mjekëve me mjetet e duhura është me rëndësi jetike. Ata janë mburoja dhe garancia për shëndetin e qytetarëve.
