“Çka duhet të ndodhë është ndryshimi i qeverisjes. Ka nevojë për një qeverisje tjetër..”
Duhet ndryshimi i qeverisë jo i ministrave. Ky është qëndrimi i deputetit socialist Ben Blushi. Ai komentoi shkarkimin e Shkëlqim Canit nga detyra e ministrit të Finacave duke theksuar se problemi nuk janë emrat është mënyra si po qeveriset. Për Blushin, qeveria dhe PS konsiderohen prej Ramës si lodër.
“Nuk dua të komentoj një njeri që e ka mendjen tek lodrat. Ata që duan të luajnë dhe e shohin qeverinë apo partinë si një lodër nuk kam arsye të komentoj. Shqipëria ka akoma njerëz seriozë në moshë të pjekur të cilët kanë mundësi ta qeverisin dhe nuk e kanë mëndjen të shkojnë në shtëpi dhe të luajnë. Unë nuk hyj tek ato njerëz. Shumicën e tyre i kam kolegë. Nuk kam arsye të komentoj cilësinë e tyre por besoj se ndryshimi i sotëm ishte i vonuar. Çka duhet të ndodhë është ndryshimi i qeverisjes . Ka nevojë për një qeverisje tjetër që në radhë të parë është aleate me shtresën e varfër, të mesmen dhe me interesin public, të trija këto cilësi kjo qeveri i ka humbur me kalimin e kohës. Kur më thonë pse flas , flas për të mbrojtur parimet me të cilat erdha në pushtet, dhe parimet për të cilat mendoj se jam i majtë”, tha Blushi.
