Dy persona, të moshës 59 dhe 63 vjeç janë arrestuar nga policia e Tiranës, pasi akuzohen se në bashkëpunim me njëri-tjetrin shisnin lëndë narkotike në kryeqytet.
Burime nga policia bëjnë me dije se në pranga kanë rënë A. (M). B., 59 vjeç, dhe I. R., 63 vjeç, të dy banues në Tiranë, për veprën penale “Prodhimi dhe shitja e narkotikëve”, kryer në bashkëpunim.
Nga verifikimet rezultoi se këta shtetas, në bashkëpunim me njëri-tjetrin, pasi siguronin lëndën narkotike kokainë, e ndanin atë në doza, të cilat i shisnin më pas në rrugën “5 Maji”, në zonën e quajtur “Xhamlliku” dhe në zonën e Selvisë, në Tiranë.
Policia ka sekuestruar lëndën narkotike e dyshuar kokainë dhe 3 aparate celulare. Materialet i kaluan Prokurorisë, për veprime të mëtejshme procedurale
