Skënderbeu ka ripërsëritur suksesin e verës së 2015-ës, kur u kualifikua në grupet e Ligës së Europës për herë të parë.
Suksesi i jashtëzakonshëm i korçarëve kulmoi sërish me një barazim ndaj Dinamos ne “Elbasan Arena”. Tani që kualifikimi u arrit, klubi përfiton direkt shifrën e çmendur: 2.6 milionë euro nga UEFA.
Kësaj shume do t’u bashkoheshin edhe 675 mijë eurot për kalimin e tre tureve, që do të thotë në total rreth 3.3 milionë euro.
Rregullorja e UEFA-s është e tillë që skuadrat, të cilat futen në grupe të Ligës së Europës, nuk do ta përfitojnë shumën prej 245 mijë eurosh për fazën “play-off”.
Por edhe lojtarët kanë pretendimet e veta në këtë drejtim. Zyrtarisht në klub kanë konfirmuar se do të akordohen 200 mijë euro pas kualifikimit.
/Panorama/
