“Gjysma e sallës së Parlamentit nuk e do reformën në drejtësi dhe bën çdo gjë për të mbrojtur prokurorët dhe gjyqtarët e korruptuar”. Ishte kjo deklarate e Ministrit Sajmir Tahiri që deputetët e PD-së, Jozefina Topalli, Paloka e të tjerë kërkuan shtyrjen e seancës dhe rrethuan foltoren e Kuvendit në momentin që po fliste Tahiri.
Më pas është dashur ndërhyrja e punonjësve të sigurisë të Kuvendit për të mbajtur situatën nën kontroll.
Gjithashtu ka ndërhyrë dhe Valentina Leskaj që situata të qetësohej.
“Nëse keni ardhur me plan të prishni seancën kjo është tjetër gjë, lëreni ministrin të flasë. Uluni qetësohuni. Pse mërziteni kur përmendet reforma në drejtësi, kërkojeni fjalën dhe thuajeni mendimin tuaj, mos u mërzisni pse ta ndërpres seancën se ke dalë ju aty? S’ka arsye..” tha Leskaj.
