Një plagosje me thikë raportohet në Korçë. Burime nga policia bëjnë me dije se ngjarja ka ndodhur rreth orës 18:22, në lagjen nr.12., në ambientet e një lokali. Policia jep detaje se punonjësi i lokalit i identifikuar me iniciale P. R., 25- vjeç, ka plagosur me thikë në krah personin e identifikuar me iniciale E. P., 24- vjeç, banues në Korçë, i cili ndodhet jashtë rrezikut për jetën.
Policia gjithashtu bën me dije se punonjësi i lokalit P. R., aktualisht ndodhet i shoqëruar në Komisariat për veprime të mëtejshme procedurale. Nuk dihen ende motivet e konfliktit, ndërsa pritet të zbardhen detaje pas marrjes në pyetje të të arrestuarit.
Nga ana e Policisë po punohet për sqarimin e rrethanave të ngjarjes.
