Sherr me thika dhe sende të forta në Sauk, plagosen 3 persona

Një sherr mes disa personave është regjistruar mbrëmjen e djeshme në rrugën “Selim Braja”, në Sauk të Vjetër.

Sipas policisë 26 vjeçari E. S. së bashku me A. M., 25 vjeç dhe S. K., 34 vjeç, janë konfliktuar për motive të dobëta me 30-vjeçarin K. D., dhe vëllezërit E. D., 23 vjeç dhe R. D., 27 vjeç.

Si pasojë e konfliktit janë dëmtuar lehtë me sende të forta shtetasit K. D dhe E. D, si dhe është dëmtuar me thikë 27-vjeçari R. D, i cili ndodhet në spital, jashtë rrezikut për jetën.

Gjithashtu në vijim të veprimeve u procedua në gjendje të lirë 36 vjeçari B. H, pasi sipas policisë ka kanosur 30-vjeçarin K.D.

Sakaq në kërkim janë shpallur tri persona dhe një tjetër është proceduar penalisht në gjendje të lirë, për kanosje.

Informacioni

Më datë 17.04.2021, u referuan materialet në Prokurorinë pranë Gjykatës së Shkallës Parë Tiranë dhe punohet për kapjen e shtetasve të shpallur në kërkim E. S., 26 vjeç, A. M., 25 vjeç dhe S. K., 34 vjeç, pasi në rrugën “Selim Braja” në Sauk të Vjetër, janë konfliktuar për motive të dobëta me shtetasit K. D., 30 vjeç, E. D., 23 vjeç dhe R. D., 27 vjeç (vëllezër).

Si pasojë e konfliktit janë dëmtuar lehtë me sende të forta shtetasit K. D dhe E. D, si dhe është dëmtuar me mjet prerës shtetasi R. D, i cili ndodhet në spital, jashtë rrezikut për jetën.

Në vijim të veprimeve u procedua në gjendje të lirë shtetasi B. H., 36 vjeç, pasi ka kanosur shtetasin K. D.

Punohet për kapjen dhe shoqërimin e 3 shtetasve të shpallur në kërkim.