Gjatë 24 orëve të fundit në Maqedoninë e Veriut janë kryer 2.974 teste dhe janë regjistruar 393 raste të reja me Covid-19, prej të cilëve 187 në Shkup.
Ndërkohë nga Instituti i Shëndetit Publik njoftojnë se janë shëruar 397 pacientë.
Betejën me Covid-19 e kanë humbur edhe 25 pacientë të tjerë, duke e çuar numrin e viktimave që nga fillimi i pandemisë në 6783.
Që nga fillimi i pandemisë, në vendin tonë janë regjistruar gjithsej 193.846 raste, prej të cilëve 176.278 janë shëruar. Aktualisht në vendin tonë janë 10.785 raste aktive me koronavirus.
