Në 2003 Papa Gjon Pali i Dytë shpalli lumnimin e saj
Një hap tjetër drejt shenjtërimit të Nënë Terezës. Ati i Shenjtë Papa pritet të firmosë sot dekretin për kanonizimin e shenjtores shqiptare dhe njëkohësisht të bëjë edhe shpalljen e një date për shenjtërimin e saj. Kjo datë mund të jetë edhe 5 shtatori, dita e vdekjes së Nënë Terezës. Në dhjetor 2015 Papa Francesku miratoi një dekret për njohjen e një mrekullie që i atribuohet ndërmjetësimit të saj me Perëndinë. Nënë Tereza që vdiq në shtator të vitit 1997, u shpall e lume në vitin 2003 nga Papa Gjon Pali i Dytë. Lumnimi është hapi i fundit para shenjtërimit. Anjezë Gonxhe Bojaxhiu, që u bë më pastaj në gjithë botën e njohur si Nënë Tereza, u lind në Shkup më 26 gusht të vitit 1910 në një familje me prejardhje nga Prizreni.
