Kandidati për kryetar bashkie në Dibër, Sherefedin Shehu, i shoqëruar nga kryetari i Partisë Demokratike, Lulzim Basha zhvilluan sot një takim me të rinjt në Peshkopi.
Sherededin Shehu tha se prioritet për të është krijimi i kushteve për arsimim dhe mundësive për punësim e të rinjve.
Sherefedin Shehu: “ Ju do të jeni pjesa e ndryshimit të qytetit. Unë do t’u mbështes që të shkolloheni ashtu siç e meritoni ju edhe Dibra. Dibra është vendi me pasuri intelektuale. Dibra është vendi me një trashëgimi të madhe dhe kësaj pasurie ne do ia rrisim vlerat duke sjellë investime në Dibër. Flasim për investime private. Ne do të krijojmë një vision të ri por realizimi I tyre kërkon energji dhe atë energji do e marr tek ju. Ju do të jeni energjia e realizimit të projekteve të zhvillimit të Dibrës”
Ndërsa Kryetari i Partisë Demokratike, Lulzim Basha theksoi se rinia është pararendëse e fitores së PD-së në Dibër dhe gjithë Shqipërinë. Ashtu si në vitet 90, edhe sot është detyrë e rinisë të largojë të keqen dhe t’ua kthejnë dibrën, dibranëve.
Lulzim Basha: “Ju jeni paralajmëruesit e parë të fitores tonë. Fitorja nuk është kurrë më e sigurtë se sa kur është në duart e rinisë dhe fitorja në Dibër është në duart e rinisë dibrane”.
