Zv/Ndihmës Sekretari Amerikan i Shtetit për Çështjet Europiane e Euroaziatike, Hojt Brajan Li i ka bërë thirrje palëvë politike në Maqedoni që të formojnë sa më parë qeveria e re paszgjedhore.
Me anë të një mesazhi dërguar politkës në Shkup Hojt Brajan Li shprehet se Shtetet e Bashkuara të Amerikës janë të interesuara për stabilitet dhe prosperitet të shteteve të rajonit. Li i ka ftuar të gjitha palët në Maqedoni të jenë të hapura ndaj kompromisit.
“Shpresoj sinqerisht që Presidenti maqedonas do u krijojë deputetëve mundësinë që të shprehin vullnetin e tyre për këtë dhe partitë që ata përfaqësojnë, e të krijohet sa më parë ekzekutivi sepse vendit i nevojitet qeveri që do të vazhdojë dhe kryejë proceset e filluara në kuadër të procesit paraqasës të BE-së”, ka thënë zyrtari i lartë i Departamentit Amerikan të Shtetit.
