Drejtësia amerikane ka dënuar me vdekje një 22 vjeçar pasi vrau 9 persona me ngjyrë në një kishë në qytetin e Charleston
Shtetasi Dylann Roof u shpall fajtor muajin e kaluar për 33 akuza përfshirë vrasje dhe krime urrejtjeje. Më 17 qershor të 2015, Roof qëlloi 75 herë pas 40 minutash lutje në kishën e qytetit në Karolinën e Jugut.
22 vjeçari nuk shfaqi asnjë shenjë pendese gjatë leximit të vendimit nga juria, duke i konsideruar krimet e tij të drejta. Madje ai u shpreh se do ta bënte sërish masakrën dhe se nuk kërkon mëshirë dhe falje të jetës.
Një nga vëllezërit e viktimave u shpreh pas dhënies së dënimit se:“Kjo është një fitore e madhe. Tashmë ai është në duart e perëndisë dhe nëse bën një rrëfim të sinqertë para Zotit, mbase ai mund të bashkohet me motrën time dhe të tjerë në qiell”
Vendimi me vdekje u argumentua me faktin se autori me të shtënat ka pasur për qëllim të nxisë dhunën racore.
