Ish ministri i Brendshëm Saimir Tahiri ka mohuar kategorikisht pretendimet se mund të ketë shantazhuar kryeministrin Rama, duke thënë se ai nuk është nga ata njerëz që mban letra kërcënuese në xhep.
Në një konferencë për gazetarët, Tahiri shtoi se “a thua se këto 4 vite paskam punuar për të kërcënuar të tjerë”.
“Pse nuk pyesni opozitën që bëri akuzat. Pyesni ata. Është fyese kjo që vazhdoni ta bëni sikur unë kërcënova të tjerë me materiale. A thua se këto 4 vite paskam punuar për të kërcënuar të tjerë. Për mua është fyese sepse unë nuk mbaj letra në xhep për të kërcënuar. Unë kam vetëm të vërtetën. Është fyese dhe për ata që mendoni se unë kërcënoj, pasi duket se ata kanë bërë diçka. Unë mendoj që herë tjetër të dëgjoni deklarata të opozitës, kërkoni t’i vërtetojnë. Ata e kanë bërë vet, ndaj mendojnë se e kam bërë dhe unë. Unë kësaj rruge i shkoj vetëm me drejtësi. E keni kthyer në meme këtë histori që “qau Tahiri këtu..qau atje”. Po nuk kam qarë. Vendimin dua ta lexoj. Në kulturën trime nuk mund të flitet për vendimet e gjykatave, as nuk i lëviz. Duhet ta lexosh vendimin, ndaj e kam të vështirë ta sqaroj”, pohoi ai.
https://www.facebook.com/portali.syri.net/videos/2468917613384845/
