Komisioni i Disiplinës në Federatën italiane të futbollit, nuk i ka falur episodet që ndodhën këtë fundjavë në Serinë A të futbollit. Drejtori sportiv i Lacios, Igli Tare, u dënua me një javë pezullim dhe me 10 mijë euro për shkak të debatit të ashpër me gjyqtarin Masa, në fund të ndeshjes me Fiorentinën, ku në dëm të Lacios u akordua një penallti.
“Reagimi i Tares, që i kërkonte llogari kryesorit për atë vendim, ishte agresiv dhe kërcënues dhe zgjati deri në momentin kur trupa gjykuese u fut në dhomat e zhveshjes”. Ky ka qenë argumentimi i gjykatësit sportiv për masën ndëshimore ndaj drejtorit sportiv të Lazios.
Dënimit nuk i ka shpëtuar as Daniele De Rosi, i cili goditi me shpullë sulmuesin e Xhenoas, Lapadulën. Mesfushori është dënuar me dy javë pezullim, dhe përveçse ndëshkoi Romën, me penalltinë që shkaktoi, tashmë nuk do të jetë as për 2 javë në shërbim të trajnerit Di Françesko.
https://www.facebook.com/Lazionews.eu/videos/1574327535938615/
