Në Serbi u mbajt takimi i Sigurisë Kombëtare, ku u vendos që gatishmëria e ushtrisë të vazhdojë të mbetet në nivelin më të lartë për shkak të tensioneve në veri të Kosovës.
Siç njofton gazetarja e RTK-së në Beograd, Anamari Repiq, në mbledhjen e Sigurisë Kombëtare të Serbisë ku morën pjesë presidenti i Serbisë, Aleksandar Vuçiq, si dhe krerët e institucioneve, u vendos për të gjitha aktivitetet e sigurisë, por nuk precizohet në detaje se çfarë janë ato, përveç se, sikundër bëhet e ditur, shefi i shtabit të ushtrisë serbe, gjenerali Millan Mojsilloviq, duhet të ketë kontakte të drejtpërdrejta me komandantin e KFOR-it.
Tutje, bën të ditur gazetarja Anamari Repiq, shtetet e QUINT-it kanë shprehur shqetësimin e tyre për vendimin e Serbisë për angazhimin e ushtrisë, derisa ministri i Punëve të Jashtme të Serbisë, Ivica Daçiq, kishte deklaruar se me vendimin e ngritjes së nivelit të gatishmërisë ushtarake nuk nënkupton ndërhyrjen në Kosovë, por, siç u shpreh ai, dëshiron të jetë e gatshme për të gjitha skenarët e mundshme.
“Beogradi zyrtar nuk është i kënaqur me reagimet e Bashkësisë Ndërkombëtare për ngjarjet në veri të Kosovës, për ç’gjë kryetari i Serbisë, Aleksandar Vuçiq, ka deklaruar se Bashkësia Ndërkombëtare vetëm dërgon njoftime, përderisa nga Serbia pret që ta njohë realitetin”, njofton mes tjerash gazetarja e RTK-së në Beograd, Anamari Repiq.
Ndërsa sot, si pushteti, ashtu edhe opozita kanë reaguar kundrejt institucioneve të Kosovës, të cilët dënojnë sjelljet autoriteteve të Kosovës në veri, duke thënë se imponimi i pushtetit lokal kundër vullnetit të qytetarëve lokalë atje është i paarsyeshëm e i rrezikshëm./RTK
Në Serbi u mbajt takimi i Sigurisë Kombëtare, ku u vendos që gatishmëria e ushtrisë të vazhdojë të mbetet në nivelin më të lartë për shkak të tensioneve në veri të Kosovës.
Siç njofton gazetarja e RTK-së në Beograd, Anamari Repiq, në mbledhjen e Sigurisë Kombëtare të Serbisë ku morën pjesë presidenti i Serbisë, Aleksandar Vuçiq, si dhe krerët e institucioneve, u vendos për të gjitha aktivitetet e sigurisë, por nuk precizohet në detaje se çfarë janë ato, përveç se, sikundër bëhet e ditur, shefi i shtabit të ushtrisë serbe, gjenerali Millan Mojsilloviq, duhet të ketë kontakte të drejtpërdrejta me komandantin e KFOR-it.
Tutje, bën të ditur gazetarja Anamari Repiq, shtetet e QUINT-it kanë shprehur shqetësimin e tyre për vendimin e Serbisë për angazhimin e ushtrisë, derisa ministri i Punëve të Jashtme të Serbisë, Ivica Daçiq, kishte deklaruar se me vendimin e ngritjes së nivelit të gatishmërisë ushtarake nuk nënkupton ndërhyrjen në Kosovë, por, siç u shpreh ai, dëshiron të jetë e gatshme për të gjitha skenarët e mundshme.
“Beogradi zyrtar nuk është i kënaqur me reagimet e Bashkësisë Ndërkombëtare për ngjarjet në veri të Kosovës, për ç’gjë kryetari i Serbisë, Aleksandar Vuçiq, ka deklaruar se Bashkësia Ndërkombëtare vetëm dërgon njoftime, përderisa nga Serbia pret që ta njohë realitetin”, njofton mes tjerash gazetarja e RTK-së në Beograd, Anamari Repiq.
Ndërsa sot, si pushteti, ashtu edhe opozita kanë reaguar kundrejt institucioneve të Kosovës, të cilët dënojnë sjelljet autoriteteve të Kosovës në veri, duke thënë se imponimi i pushtetit lokal kundër vullnetit të qytetarëve lokalë atje është i paarsyeshëm e i rrezikshëm./RTK
