Kryeministrja serbe, Ana Brnabiç, nuk beson se Serbia do të njohë ndonjëherë shtetin e Kosovës, ndërkohë që është optimiste se dialogu i nisur mes vendeve të Ballkanit do të përmirësojë jetën e qytetarëve.
“Unë besoj që dialogu do të vazhdojë, Serbia është aty, unë jam këtu për të vazhduar këtë proces. Le të shohim nëse mund të bëjmë cilësinë e jetës së qytetarëve sa më të mirë që të jetë e mundur.
Nuk besoj se njohja e Kosovës ka ndodhur, por është bërë thirrje për dialog mes vendeve për një marrëdhënie më të mirë për të ardhmen.
Ne duhet të kemi një marrëdhënie sa më të mirë të jetë e mundur dhe duhet të ndjekim hapat për të cilët jemi dakordësuar.
Serbia ka bërë shumë për të implementuar të gjitha pikat në procesin e dialogut dhe kemi nevojë që Prishtina të fillojë të punojë me pjesët më të rëndë- sishme të marrëveshjes për stabilitetin e komunitetit serb.
Unë shpresoj që dialogu do të vazhdojë”, u shpreh kryeministrja serbe.
Ana Brnabiç ka deklaruar gjithashtu se marrëdhëniet me Shqipërinë janë fantastike dhe e ardhmja e rajonit pritet të jetë e ndritur.
“Ne kemi marrëdhënie fantastike me Shqipërinë, që sa vijnë dhe po përmirësohen dita-ditës, dhe unë shoh një të ardhme të ndritur për rajonin”, u shpreh Brnabiç.
/Ora News/
