Dogana pezullon hedhjen në treg të një sasie të konsiderueshme aksesorësh për celularë të markave të njohura per shkak se dyshohen si të falsifikuara.
Lajmi bëhet publik nga vetë Drejtoria e Doganave e cila thotë se bllokimi është bërë në aeroportin e Rinasit.
“Në Degën e Doganës Rinas, në kuadër të luftës kundër falsifikimit të markave dhe mbrojtjes së konsumatorit, u pezullua hedhja për konsum e një sasie të konsiderueshme aksesorësh për celularë të markave Samsung, AKG, IPHONE, etj., të dyshuar si të falsifikuar”, thuhet në njoftim.
Sasia e sekuestruar përbëhet nga 2274 copë USB data kabëll, 1712 copë ushqyes celulari, 910 copë ekrane LCD, 280 copë kufje.
Mësohet se autoritetet doganore u kanë kërkuar përfaqësuesve të mbajtjes të së drejtës të këtyre markave, të shprehen mbi origjinalitetin e mallrave të pezulluara për hedhje për konsum.
