Sekuestrohen 18 milionë euro nga llogaritë bankare të biznesmenit shqiptar Rezart Taçi sepse dyshohet që paratë janë me prejardhje nga aktivitete kriminale të lidhura me mafian italiane. Nëpërmjet një letërporosie prokuroria e Tiranës, ka kërkuar bllokimin e 18 mlilionë eurove, vlerë e cila është konfiskuar më parë edhe nga SPAK-u.
Dyshohet se paratë janë përfituar nga aktivitetet kriminale të mafies italiane, ndërsa transferuat e paligjshme e parave drejt Shqipërisë është bërë nga biznesmeni Taçi. Ndërkohë autoritetet italiane kanë marrë nën hetim Francesco Zumo, dhe dy bashkëpunëtorët e tij, Artur Balla dhe Bledar Lilo, këta dy të fundit të arrestuar. Zumo është një biznesmen 90-vjeçar nga Palermo, i dyshuar për lidhje me mafian dhe Fabio Petruzzella, llogaritari që bëri transfertën e parave.
SPAK-u akuzon biznesmenin dhe 2 personat e tjerë si të përfshirë në trasfertën e paligjshme nga bankat zvicerane në një bankë të nivelit të dytë në Shqipëri. Sipas hetimeve, rezulton se këta persona kundrejt parave do të kryenin trasfertën ndërsa akuzohen për grup të strukturuar kriminal dhe pastrim parash.
