Mbi 11 mijë rrënjë kanabis sativa janë asgjësuar nga policia e shtetit në zona të ndryshme të vendit, ndërsa janë sekuestruar rreth 105 kg kanabis dhe marijuanë.
Operacionet u zhvilluan në Mallakastër, Berat, Maliq dhe Krujë. Tre persona janë shpallur në kërkim nga policia. Pesë persona kanë përfunduar në prangat e policisë pas këtyre aksioneve.
Mallakastër- Policia asgjëson 4000 bimë narktike dhe 1500 degë Cannabis Sativa në proces tharjeje. Në pranga është vënë Bedri Alla, 23 vjeç, banues në fshatin Portëz, Fier.
Berat- Sekuestrohen 95 kg lëndë narkotike marijuanë dhe një armë zjarri (belçik) dhe asgjësohen 994 rrënjë bimë narkotike Canabis Sativa. Policia shpalli në kërkim A.Gj, 19 vjeç, banues në Lushnjepasi dyshohet të jëtë autori i kultivimit të 994 bimë narkotike Canabis Sativa.
Krujë- Nga një operacion i koduar “Thumana”, dy të rinj përfunduan në prangat e policisë pasi janë kapur me 10 kg lëndë narkotike kanabis sativa. Të arrestuarit janë të rinjtë Arif Koçi, 19 vjeç dhe Bledar Rryçi, 22 vjeç, banues në fshatin Thumanë të Krujës.
Maliq- Ndërkohë, tre persona u arrestuan nga policia në Maliq, po për kultivim të lëndëve narkotike. Policia ka asgjësuar me anë të djegies 6560 bimë të dyshuara kanabis sativa. Të arrestuarit janë, Sajko Spaho, 34 vjeç, Andi Tilka, 21 vjeç, banues në Devoll, si dhe Eduart Vata, 34 vjeç, banues në Durrës.
