Sekretari amerikan i Shtetit, John Kerry do të ketë një ndalesë të shkurtër këtë të dielë në Tiranë, ku pritet të japë mesazhe të rëndësishme për politikën shqiptare e cila është në ngërç në pritje të miratimit të reformës në drejtësi. Top-channel ka zbulur axhendën e plotë të Kerry-t dhe sipas kësaj axhende ai do të takohet vetëm me dy lidera gjatë qëndrimit të tij dhe ata janë kryeministri Edi Rama dhe kryetari i opozitës Lulzim Basha. Nuk do të ketë takim me aktorë të tjerë që jemi mësuar ti shohim të takohen zyrtarët europianë, si Ilir Meta apo Sali Berisha.
Sipas kësaj axhende sekretari amerikan do të qëndrojë vetëm 3 orë në Tiranë dhe takimet që do ti marrin më shumë kohë janë Rama dhe Basha. Pritet që ai të flasë për çështjen e muxhahedinëve iranianë që janë strehuar në Shqipëri.
