Deputetja e PD, Rudina Hajdari ka replikuar me Taulant Ballën në Kuvend, duke thënë se ai dhe miqtë e tij kanë më shumë se 20 vjet në politikë dhe kanë prodhuar të njëjtat gjëra, duke lënë pas Shqipërinë.
“Keni 20 vjet në politikë. Keni 20 vjet që rrënoni këtë vend. Vetëm e keni shkatërruar këtë vend. I keni bërë reformat sipas interesave tuaja. Nuk mund të flasin të njëjtët persona që kanë kaq vite në politikë për reformë zgjedhore e për ndryshime. Ka kaq kohë që punoni kundër interesave të Shqipërisë”, tha Hajdari.
Balla tha më herët se partitë politike që nuk hyjnë në zgjedhje, nuk janë më parti.
