Sapo u zgjodh/ Presidenti i Bullgarisë: Asnjë lëshim për Shkupin (E pëson edhe Tirana)

0
159

“Qeveria e re nuk duhet të bëjë lëshime nga pozitat nacionale, posaçërisht kur bëhet fjalë identiteti e historia bullgare dhe të drejtat e bashkatdhetarëve tanë prapa kufirit”.

Kjo ka qenë porosia e Rumen Radev, në deklaratën e tij të dhënë pas fitores së mandatit të dytë si President i Bullgarisë.

Por, kryeministri i Maqedonisë së Veriut, Zoran Zaev nëpërmjet një shkrimi në facebook, ka njoftuar që i ka telefonuar Rumen Radevit për rizgjedhjen si President i Bullgarisë.

Zaev bëri me dije që në bisedën telefonike me Radevin janë marrë vesh që të vazhdojnë dialogun mes dy vendeve për gjetjen e një zgjidhje të përbashkët evropiane.

Shkupi, por edhe Tirana presin që zgjedhjet në Bullgari të pasohen me një ndryshim kursi për heqjen e vetos që po mban peng zhvillimin e konferencës së parë ndërqeveritare, pasi rrugëtimi për dy vendet është konceptuar në bllok.