Nga Dritan Kaba
Koncerti tek Sanatoriumi një skandal më i madh se fotot e morgut. Në këtë çast dhjetra familjarë po qajnë për njerëzit e tyre aty. Mjekët kërcejnë nga halli, se ashtu i ka thënë partia. Skenë e shpifur në atë oborr ku tre veta kanë humbur jetën duke u hedhur nga ballkonet sepse nuk kanë duruar dot zhurmën e oksigjenit që i jepte jetë, tani i duhet të durojnë edhe daullet e qeverisë së rilindjes. Skena horror, kur nga pjesa e pasme e spitalit po del një arkivol, me një njeri që ka humbur jetën.
Skandali rëndohet edhe më shumë me këtë qeveri kriminele, kur rrezikon jetën artistëve të Ansamblit të Këngëve dhe Valleve duke i çuar në një ambient të kontaminuar nga virusi i Covidit, për një shfaqe pa asnjë ndikim shëndetësor në jetët e të sëmurëve.
Nuk arrij të kuptoj kush është ai lloj “ilaçi” e ka bërë këtë mendje të zezë, dhe të pashpirt që i dergon ata artistë aty.
Nuk kam asnjë dyshim që këtë shfaqe të turpshme dhe kriminale e ka regjizuar mendja e çoroditur e Kryeministrit shqiptar.
Regji makabre, as në komedinë më të zezë nuk besoj se do arrinin të fusnin skena të tilla në një film.
Shqipëria ngadalë po kthehet në një spital të madh psiqiatrik, ku pacienti numër një po kërkon të kthejë një popull të tërë në shok dhome.
Ndërsa media është “ndihmësja” më e madhe e injektimit të vaksinës së çmendurisë kolektive. Turp të tillë profesional nuk kisha parë.
Ndjej neveri për ata gazetarë që po i thurrrin lavde kësaj vepre makrabe në sytë e të gjithë shqiptarëve.
