Në Samitin e Berlinit, kryeministri i Maqedonisë së Veriut, Zoran Zaev, është shprehur i gatshëm të dorëhiqet nga detyra nëse vendit të tij nuk i hapen negociatat me BE-në në muajin qershor.
Mediat gjermane raportojnë gjithashtu për një presion gjithnjë e në rritje të kancelares Merkel ndaj presidentit Macron, që ky i fundit të bëjë lëshime për Shkupin dhe të pranojë hapjen e negociatave. Ajo kërkon një shpërblim për shtetin ballkanik, pas marrëveshjes që nënshkroi me Greqinë. Berlini dhe Brukseli i druhen gjithashtu rikthimit të Rusisë në Maqedoninë e Veriut.
Ndërkohë, ky qëndrim i Zoran Zaev nxjerr zbuluar kryeministrin e Shqipërisë, Edi Rama, i cili ka dështuar dy herë radhazi për të hapur negociatat me Bashkimin Evropian.
