Ish deputeti i PD-së, Ervin Salianji ka deklaruar se kryeministri nuk po ofron zgjidhje reale për shqiptarët, por vetëm show e propagandë në ERTV.
Përmes një video të publikuar në profilin e tij në facebook, Salianji shkruan se shqiptarët kanë nevojë për zgjidhje reale jo për të luajtur role të denja për teatër në kurriz të fatkeqësive të familjeve shqiptare!
Postimi i plotë:
Kamera, shoë, ERTV; vetëm kaq u ofron qytetarëve Edi Rama.
Dje bën propagandë me fatkeqësitë e qytetarëve të Thumanës, të cilët që pas tërmetit shkatërrimtar kanë mbetur pa shtëpi, ditën tjetër asgjë nuk ndryshon.
Asnjë tullë nuk vihet për muret e shtëpive të pabanueshme, asnjë tjegull për t’u siguruar një çati mbi kokë. Ndihmat nuk ekzistojnë dhe familjet vijojnë të enden rrugëve!
Shqiptarët kanë nevojë për zgjidhje reale jo për të luajtur role të denja për teatër në kurriz të fatkeqësive të familjeve shqiptare!
(BalkanWeb)
