Ish-deputeti i Partisë Demokratike Ervin Salianji teksa ka komentuar marrëveshjen e dy ditëve më parë mes maxhorancës dhe opozitës jashtëparlamentare për reformën zgjedhore.
I ftuar në rubrikën “Opinion” në “News24”, Salianji tha se e gjithë sakrifica e PD dhe e qytetarëve shqiptarë po shpërblehet.
Zhurmë ka krijuar post-marrëveshja për reformën zgjedhore, në të cilën u ulën palët. Çdo të thotë kjo?
Më shumë se sa marrëveshje, më duket kushtëzim i ndërkombëtarëve për t’i hapur rrugë pushtetit. PD ka marrë pjesë në reformën zgjedhore pas konsultave të ndërkombëtarëve, shumë kohë më parë. Tani jemi në situatë ku pranohet që të legjitimohet parlamenti. Beteja jonë me lënien e mandateve dhe protestat ka çuar në këtë vendimmarrje. Sakrifica e demokratëve dhe qytetarëve shqiptarë, që protestuan bashkë me ne, u shpërblye në të gjithë delegjitim të plotë të parlamentit dhe në kushtëzim të Ramës për të pranuar një realitet që ekzistojnë për shqiptarë dhe jo për maxhorancën dhe qeverinë. Në këtë kuptim nuk ka pasur edhe për atë që janë kritik, nuk shoh që të ketë argumente bindës kundër.
Është e vetmja formë që PD si forcë, të kushtëzojë një parlament apo qeverisje që është i kriminializuar dhe për akoma më shumë nuk është e interesuar për reformë zgjedhore, por interes i tyre ishte që të kapnin komisioni. zgjedhor.
Siç e përshkruani ju duket si diçka normale dhe se PD del fitimtare…Por çfarë fitoi PD në fund të fundit?
Këtu nuk është nëse fiton PD apo dikush tjetër.
Jo jo çfarë fitoi në këtë betejë?
Qëllimi kryesor ishte delegjitimimi i parlamentit. Nuk e delegjitimuam ne aktin në vetvete, por dalja e përgjimeve që tregonin blerjen e votës, e delegjitimuan parlamentin dhe ne ishim të detyruar që të merrnin një akt ekstrem. Padiskutim që u fitua ndërhyrja e fortë ndërkomëbtare. U fitua kushtëzimi ndërkomëbtar për Ramën, pasi thoshte se do ta bënte reformën me ata që janë në Parlament apo me rekomandimet e Gjiknurit dhe komisionit të vet. Fitoi zëri kryesor që opozita përfaqësohet dhe klasa politike që përfaqësohet në Këshillin Politik.
Çfarë do t’i thuhej kritizerëve sot që ju i përmendët?
Ka dy rrugë; nuk shoh një kritike të qenësishme. Cili është argumenti?
Ajo e zonjës Topalli…..
Po qe se duksh shan, ky nuk është argument, por mllef dhe ka inat. Dhe ajo në këtë nivel është. Më pyetët për një zonjë që nxjerr një sharje personale dhe ecën me konspiracione të kota. Njerëz që kanë argumente dhe që mendojnë se një rrugë e caktuar që u ndodh në mënyrë radikale që nga 16 shkurti deri në 30 qershor, ka kulminacion. Në 30 qershor ose do kishte përplasje, ose do merrej mbështetja ndërkombëtare. U futën 9 pika në Bundestag. Cila është mënyra që shkohet në zgjedhje të parakohshëm? Është kjo mënyrë. Edhe pa Ramën, ne nuk jemi tërhequr nga kërkesa pa të, po kërkojmë qeveri kujdestare. Edhe kur PD të jetë nesër në pushtet. Dhe nga ana tjetër është një rrugë tjetër, që një pjesë e njerëzve më të drejtë mund ta kenë, ku në 30 qershor mori kthesë dhe mbështetjen e ndërkombëtareve për të bërë rrotacion politik, është që Rama të rrëzohej me çfarëdo lloj forme; me dhunë, me forcë. Ne si PD bëmë një kalkulim se çfarë fiton Shqipëria dhe çfarë ne. Me dhunë. Me forcë. Ne mund t’i bllokonim zgjedhjet dhe mund të shkonin në përplasje civile. Ne zgjodhëm Shqipërinë.
Ju thoni se do vijë dhe kodi zgjedhor. Kur do të ndodh kjo? A nuk shkohet kështu drejt zgjedhjeve të rregullta?
Afati është 15 marsi. Mund të kishte ndodhur dhe më parë. Rama ka shfrytëzuar tërmetin. Siç ishte rasti i Gjiknurit që e mbajti në komisionin zgjedhor. S’mund të ketë marrëveshje mes Bashës dhe Ramës, pasi do hiqej Damian Gjiknuri nga komisioni. Rama qëllimisht e ka lënë, për të vonuar komisionin. Me dashjen apo pa dashjen e Ramës, është vendosur që 15 marsi të jetë afati fundor. Nëse mbyllen në 15 mars, zgjedhjet mund të organizohen në qershorin e këtij viti.
