Ervin Salianji ka reaguar lidhur me ngjarjen e rëndë që ndodhi më 8 dhjetor, ku mbeti i vrarë 25-vjeçari Klodian Rasha.
Përmes një shënimi në rrjete sociale, Salianji thotë se nuk mjafton dorëheqja e ministrit Lleshaj për të vënë drejtësinë, por duhet zbardhur e vërteta.
Në momentet e para të raportimit të ngjarjes, u tha se mbi 100 metra trupit të viktimës Klodian Rasha, u gjet një pistoletë. Opozita, por dhe shumë nga opinioni publik thanë se kjo pistoletë u hodh për të manipuluar ngjarjen.
Ndaj Salianji thotë se duhet bërë zbardhja e plotë e ngjarjes, përfshirë tentativën për manipulimin e saj.
“Vetëm dorëheqja e ministrit nuk mjafton, duhet drejtêsi e plotë për vrasjen dhe për krimin e rëndë shtetêror të tentativës për manipulimin e ngjarjes! Qeveri antipopull që tentoi të fajësojë viktimën! Duhet drejtësi!”, shkruan Salianji në facebook.
