Ish-ministri i Brendshëm Saimir Tahiri ka dalë sot para mediave për të shpjeguar ashtu siç tha ai të vërtetën e tij.
Tahiri e nisi deklaratën e tij me duke i cilësuar gënjeshtra akuzat ndaj tij jo vetëm nga prokuroria.
https://www.facebook.com/portali.syri.net/videos/353758912171816/
“Nuk është më e re as për ju e as për njeri se si kaluan 2 vite dhe se si pas 2 vitesh hetime nga prokuroria për krime të rëndë me akuza dhe më të rënda karroca e prishur e dyshimeve për mua ndaloi në stacionin e parë. Dy vjet gënjeshtra brenda e jashtë prokurorisë dhe për 2 vjet me radhë heshta përballë gjithë akuzave e gënjeshtrave për të respektuar drejtësinë dhe për të mos e çuar kurrë gjyqin para drejtësisë. Unë kam besuar që nuk duhet të ishte një gjyq popullor por shembullor.
Sa gazetarë kanë shfrenuar fantazinë e tyre për mua me shpifje e akuza dhe sa analistë kanë nxjerrë konkluzione të gënjeshtërta për mua. Heshtja ime gjithmonë vinte e bëhej më e rëndë, heshta në të mirë të drejtësisë. E kisha kollaj ta mbaja mandatin e deputetit.
Më akuzuan pjesëmarrës në grup të strukturuar kriminal, për trafik droge, më akuzuan se fitoja 5 milionë euro në muaj. Se harxhoja 20 milionë euro për fushatë. Fati im ishte se Gjykata italiane hetoi dhe gjykoi, duke thënë se Tahiri nuk ka lidhje me akuzat. Edhe Gjykata shqiptare tha se nuk kam lidhje me akuzat e trafikut të drogës, grupin kriminal. Ky ishte një gjysmë lajmi mirë, nuk është drejtësi e plotë. Beteja për të vërtetën time ka plot rrugë përpara. Me aq sa dëgjova në sallë u shpalla fajtor për shpërdorim detyre sepse ca kushërinj të mi kishin përmendur emrin tim dhe sepse nuk kisha luftuar kanabisin aq sa duhet si ministër i Brendshëm. Pres të lexoj vendimin e zbardhur, për të parë se cilin ligj kam shkelur”, shtoi Tahiri.
Tahiri ka komentuar dhe deklaratat e ambasadës së SHBA-së dhe Britanisë se dënimi ndaj tij ishte shkurajues, si dhe mbështetjen e këtij qendrimi nga ana e Fatmir Xhafajt.
“Ka tjetër ekip që merret me like-t, do vijë dita që unë të kem një përgjigje për të gjitha këto. Nuk dua të bëj komente që mund të jenë të parakohshme, unë e di shumë mirë se kë kam rrotull”, u shpreh Tahiri.
