Forcat ruse kanë sulmuar me raketa portin e Odesës, një ditë pas marrëveshjes për nxjerrjen e grurit nga Ukraina. Ukraina e ka akuzuar Putinin se ka “pështyrë në fytyrë” OKB-në dhe Turqinë me sulmin në portin e Odesës.
Kievi ka paralajmëruar se Rusia do të mbajë përgjegjësinë nëse marrëveshja e eksportit të grurit dështon dhe u bëri thirrje Organizatës të Kombeve të Bashkuara dhe Turqisë që të bëjnë presion ndaj Rusisë që të respektojë detyrimet e saj për të siguruar funksionimin e sigurt të rrugëve detare për eksportin e drithit në Detin e Zi, sipas një deklarate nga Ministria e Jashtme e Ukrainës.
“Armiku sulmoi portin tregtar të Odesas me raketa Kalibr. Dy raketa u rrëzuan nga forcat e mbrojtjes kundërajrore. Dy të tjera goditën infrastrukturën e portit”, tha në një mesazh në Telegram Komanda Operative e Ukrainës.
Ndërkohë për sulmin ka reaguar edhe ambasadorja e SHBA-së në Kiev. Ambasadorja e Shteteve të Bashkuara në Kiev tha se sulmi me raketa ruse në portin e Odessa ishte “i neveritshëm” dhe se Rusia duhet të mbajë përgjegjësi.
“Kremlini vazhdon të përdorë ushqimin si armë. Rusia duhet të mbajë përgjegjësi”.
Nga ana tjetër, ministri i Mbrojtjes i Turqisë ka bërë me dije se zyrtarët rusë i kanë thënë Ankarasë se Moska nuk kishte të bënte me sulmet në portin e Odesës të Ukrainës.
“Në kontaktin tonë me Rusinë, rusët na thanë se ata nuk kishin asnjë lidhje me këtë sulm dhe se po e shqyrtonin çështjen nga afër dhe në detaje. Fakti që një incident i tillë ndodhi menjëherë pas marrëveshjes që bëmë dje na shqetësoi vërtet”.
Shpërthimet tronditën një port kyç të Ukrainës vetëm një ditë pasi Kievi dhe Moska nënshkruan një marrëveshje historike për të lejuar rifillimin e eksporteve të grurit. Sipas kushteve të marrëveshjes së së premtes, Rusia ra dakord të mos sulmonte portet gjatë dërgesave të grurit.
Продовольча безпека в світі можлива лише після ліквідації #росія як держави. А про будь-які домовленості з росією ще за Бісмарка знали.#Одеса#Україна#Russia#продовольча_безпека
—
👉Підписатися https://t.co/kpUJGbCss7
💪Підтримати нашу роботу:https://t.co/g8v5JXfTix pic.twitter.com/Upem7GniY5— Юрій Гончаренко (@ForceUkraine) July 23, 2022
