Nënkryetarja e Partisë Demokratike, Jorida Tabaku është shprehur se Shqipëria ndodhet në një krizë të thellë ekonomike që nuk ka asnjë lidhje me agresionin rus në Ukrainë por me politikat ekonomike të kryeministrit Rama.
Nga foltorja e Kuvendit, Tabaku tha se Autoriteti i Konkurrencës nuk ka reaguar për çmimin e naftës, që sipas Tabakut po ulet dhe ngrihet si me buton.
“Është situatë ku inflacioni po shoqërohet me rritje të varfërisë. Kjo situatë ka nisur që në fund të vitit të kaluar që në dhjetor. Përjetuan rritje çmimesh. Në kohën e krizës ne pamë se menaxhimi më i mirë i kaskadës do ndikonte më mirë. Kur duhej blerë energjia, qeveria shiti. Ne kemi bërë një kallëzim në SPAK për këtë çështje. Ne thamë se qeveria duhet të marri masa se po vjen një krizë që nuk ka lidhje me dinamikat botërore. Krizë ka nisur të ndihet herët shumë. Sot një familje paguan 42% ushqime. Nuk është rastësi që çmimi i karburantit ulet dhe ngrihet me buton. Konkurrenca sot ka mbyllur veshët. Pse rritet më shpejt se çmimi në bursë? Arsyeja është taksa. Apo 120 lekë në një litër karburant. Janë taksa të rritura në mënyrë abuzive”, tha Tabaku.
Tabaku ka shtuar qeveria po mbledh më shumë para në kohë krize dhe është komode, ndërsa sipas saj PD ka kërkuar një reduktim të taksave.
