Protesta për të kundërshtuar rritjen e çmimeve po zhvillohet edhe në qytetin e Dibrës. Qytetarët janë mbledhur në bulevardin ‘Elez Isufi’ dhe kërkojnë uljen menjëherë të çmimeve dhe taksave për naftën. Në një prononcim për mediat protestuesit në Dibër shprehen se atje janë më të paktë në numër, për shkak se shumë të tjerë kërcënohen me largim nga puna nëse dalin në protestë.
Një fenomen i tillë është evidentuar edhe në Tiranë nga studentët, të cilët kanë treguar se shumë shokë të tyre nuk dalin në protestë edhe pse duan, për shkak se prindërit e tyre rrezikojnë vendin e punës.
