Eksperti i ekonomisë Dritan Shano paralajmëroi një rritje të mëtejshme të çmimeve në Shqipëri javët e ardhshme. Ai theksoi se rritja aktuale vjen për efekt të spekulimit, pasi Shqipëria në këtë moment që flasim ende nuk është prekur nga lufta në Ukrainës.
Sipas tij, Shqipëria është një vend që ekspozohet menjëherë kur bëhet fjalë për rritjen e çmimeve në botë, por kjo do të ndodhë pas disa javësh. “Do rriten akoma dhe më shumë çmimet. Sanksionet e vëna mbi Rusinë, më shumë se te Rusia do të ndihen tek vendet europiane. Shqipëria është e ekspozuar, niveli i importeve tona an ekspozon ndaj çdo shiu që bie në Europë“, u shpreh Shano.
Sakaq, kujtojmë se për të shtunën është paralajmëruar një protestë kombëtare 24 orëshe kundër rritjes së çmimeve. Aktivistët janë treguar të prerë se nuk do të largohen nga sheshi, nëse qeveria nuk iu plotëson kërkesat.
