Situate epidemiologjike në vend sa vjen e rëndohet. Numri i personave që kanë nevojë për ndihmë mjekësore në spitale është shtuar ndjeshëm.
Paraditen e kësaj të hënë në infektiv çdo 20 minuta paraqitej një ambulancë. Ky spital aktualisht po mban të shtruarit në gjendje më të rëndë. Ai ka një kapacitet prej 120 shtretërish. Në spitalin Infektiv po marrin ndihmë të specializuar shëndetësore 95 persona ndërsa në spitalin Covid-3 janë 33 persona.
Në spital paradite kishte edhe shumë familjarë pacientësh. Disa prej tyre kanë shprehur kritika për shërbimin.
“Këtë e sollën nga Sanatoriumi këtu të enjten. Tani më thonë është mirë, do dalë. Më thoni ju si për 3-4 ditë shërohet njeriu? Ai me diabet 550.”
Në javën që lamë pas humbën jetën 23 persona, ndërsa numri aktiv i të infektuarve me Covid-19 është rreth 12,000.
